اللى يسأل ميتوهش! يعنى اية تجارة جورجيا ؟

الراديو بينشرلكم كل ما يخص تجارة القاهرة شعبة جورجيا Faculty of business GSU/CU - يعني ايه قسم جورجيا ؟! = هو برنامج دراسي مشترك بين جامعة چورچيا في الولايات المتحدة الأمريكية ، وده معناه ان الدراسة كلها في القسم باللغة الانجليزية ايه هي مميزات قسم چورچيا ؟! = القسم بيهتم بدراسة مواد إدارة الأعمال كلها بالانجلش ، والتخصص فيه بيبقى من سنة تانية ...وده بيخلي الطالب متمكن في القسم اللي اختاره كويس جدا .. ،ده غير انك بتتخرج وبتاخد شهادتين الأولى معتمدة من جامعة القاهرة ،والتانية من جامعة چورچيا ، وكمان طلاب قسم چورچيا هما رقم 3 من حيث الأولوية في سوق العمل بعد طلاب ال AUC وال GUC ، وممكن لو انت متفوق في الدراسة تسافر هناك في منحة دراسات عليا بعد التخرج .. كمان الشركات والبنوك هي اللي بتطلب ان طلاب چورچيا ياخدوا internships عندهم في الصيف - ايه المواد اللي بندرسها .. والتخصصات الموجودة في القسم ؟! = زي ما قولنا فوق انك بتدرس مواد إدارة الأعمال ... اول سنتين المواد فيهم هي هي نفس مواد تجارة انجلش القاهرة ماعدا بعض المواد يعني منهم ( Management , Marketing , sales , Economics , Accounting ..) وفيه مواد تانية انا مذكرتهاش .. والتخصص بيبقى من سنة تانية وال majors أو اقسام التخصص هي ( Marketing , Finance , Accounting) .. واكتر قسم عليه اقبال هو ال Finance لانه مش موجود غير في الجامعة الأمريكية آخر سنتين بتدرس منهج كلية روبنسون J.Mack Robinson Collage of business تابعة لجامعة چورچيا في امريكا . = ايه هي شروط التقديم ، والمصاريف ومكان الدراسة؟! - شروط التقديم هي نفسها شروط تقديم تجارة انجلش ( انك تكون انتظام مش انتساب + درجة الانجلش 40 فأكثر ) ، المصاريف بقا في رينچ من 25000 ل 30000 ، والدراسة بتبقى في مبنى چورچيا في جامعة القاهرة أو في مبنى تجارة انجلش في الجامعة بردو